عايز أصاحب !!! (

موضوع: عايز أصاحب !!! ( الجمعة يناير 14, 2011 12:06 pm

السلام عليكم ورحمة الله وبركاته

نكمل في موضوعنا اللي فات

وقفنا المره اللي فاتت عند

الصحوبيه .. هي حلال ولا حرام ؟؟

وقولنا اه طبعا حرام بنص القرآن

هي الصحوبيه موجوده في القران ؟؟

اه الصحوبيه موجوده في القرآن

موجوده مرتين .. مره للستات ومره للرجاله

طب ليه حرام ؟؟ هي العاطفه دي مش ربنا خلقها فيا ؟؟ يعني هو انا الي حطيتها ف نفسي ؟؟

هو انا فايدي اتحكم في مشاعري؟؟ ليه يارب ..

يعني ليه الاسلام بيضغط علينا ف حاجه .. هي حاجه جميله جدا ؟؟ ليه الاسلام بيضغط علينا في الناحيه دي

هو انا مش عاوزة ابدأ بقال الله وقال الرسول فتبقى هي حرام .. وهو الصح اني اقول كده

انما انا بكلم الشباب .. فخلينا نتكلم بالراحه وبعدين في الاخر نقول قال الله وقال الرسول

تعالو نبدأ بايه ؟؟؟؟؟؟

تعالو نشوف الصحوبيه دي ايه أسبابها وايه دوافعها ؟؟

هنلاقي ان الاسباب هي كالآتي :

الحاجه للحنان والحب

التطور .. اه ماهي الدنيا بتتقدم وانا عاوز اواكب العصر

الضغوط والتفكك الاسري

الفراغ والتسليه

صعوبه الزواج .. فأعيش قصه حب لغايه ماجي اتجوز

ممكن للولد علشان يثبت رجولته .. يعني زي ماالاولاد التانيين عاملين وبردو للبنت انا مش معقده لان هيتقال عليا معقده لو مش صاحبت

حب الاستطلاع والرغبه في التجربه

الافلام والاعلانات كلها مليانه قصص حب

القدوة السيئه .. لما واحده تشوف اخوها مصاحب .. طب ليه حرام عليها ؟؟؟

في استطلاع رأي اتعمل على أحد المواقع من مده

في رأيك كشاب .. ماهي دوافع الصحوبيه ؟؟

دخل عليه 4045 شاب

وكانت النتيجه :

الفراغ وتسلية الوقت 32%

الحب 12%

الزواج 9%

الغرائز 38%

أخرى 8%

ونفس الموضوع للبنات

في رأيك كفتاه .. ماهي دوافع الصحوبيه ؟؟

وصوت عليه 4630 بنت

وكانت النتيجه :

الفراغ وتسليه الوقت 33%

الزواج 22%

الحب 19%

الغرائز 11%

أخرى 12%

والمفجأه ان الجميع كان متوقع ان النسبه عند البنات في الزواج والحب تكون 99%

لكن طلع ان الفراغ وتسليه الوقت 33% ودي نسبه تخوف

آدي الاسباب .. آدي الدوافع .. وانا كلامي هيكون اكتر للبنات

شوفتي .. دوافعه غير دوافعك خالص .. شوفتي الفراغ كام والغريزه كام ؟؟؟

افتكري النسبه دي كويس وفكري فيها

طيب .. شوفنا الاسباب وشوفنا الدوافع

نرجع بقى .. ليه الصحوبيه حرام وليه ربنا قال انها حرام ؟؟

تعالو نشوف نتائج الصحوبيه

أقولكم نتائج الصحوبيه ايه ؟؟؟

تعالو نسأل نفسنا سؤال ...

اذا كان الدافع من الصحوبيه هو الزواج . كم % من قصص الحب بتنتهي بالزاوج ؟؟؟؟

جاوبو على السؤال ..

وهو ده الي هنقوله المره الجايه ان شاء الله علشان انا كده طولت عليكم اوي

ولغايه المره الجايه .. استودعكم الله الذي لاتضيع ودائعه

مش عاوزة أتكلم مع حد ولا عاوزة أتعامل مع حد

لو فاكرين اني انسانه خارقه للطبيعه

وبامتلك قدره على التحمل أكتر من الناس الطبيعيه

تبقو غلطانين

انا بشر من لحم ودم

وخلاص فاض بيا وتعبت

مش بتمنا من الدنيا الا ان أخويا يرجع بالسلامه وينور بينا

أكتر من كده مش عاوزة ولا هطلب

يارب خلاص والله مش عاوزة حاجه تاني

انا فرحت حوالي 4 ايام ورا بعض

وانا عارفه اني لازم يتكسر ظهري بعدها

خلاص يارب والله مش عاوزة افرح تاني

ولو في حاجه عرفت انها هتفرحني تاني مش هعملها

خلاص يارب والله

مش عاوزة حاجه تاني

انا اكتفيت والله العظيم اكتفيت وفاض بيا

ششششكرا الك